|
Vor fiftig Jaohr
Segg äs, Moder, weeß nao wull?
0, wat wör'n wi junk un dull
Nu vor fiftig Jaohr!
0, wat wörs du'n wacker Lüt,
Äs man nu kin' eene süht,
Met so giälle Haor!
Weeß nao wull, up Kiärmisdag
Häff wi danzet Slag up Slag -
Laot dat Telt män knastern!
Ick met di un du met mi,
Rundümrund, an alle vörbi,
Bis to't Hiättklabastern.
Äs ick frogg, dao säggs du Jau,
Un so wör'n wi Mann un Frau,
Häfft tosamen haollen,
Trü tosamen alle Tied -
Un nu is't met us so wiet:
Nu sin wi de Aollen.
Doch min Hiätt dat wäd nich aolt,
Wäd nich aolt un wäd nich kaolt,
Sind auk gries de Haor.
Bis nich mähr de flinke Dähn,
Häff di doch nao jüst so gähn
Äs vor fiftig Jaohr.
(Augustin Wibbelt)
|
